Արարատ Միրզոյանը Ֆրանսիայի Սենատում գրառում է կատարել «Ոսկե գրքում»

Ֆրանսիայի Սենատում ԱԳ նախարար Արարատ Միրզոյանը գրառում է կատարել «Ոսկե գրքում», հայտնում են ՀՀ ԱԳՆ-ից։

Նա շնորհակալություն է հայտնել Սենատի նախագահ Ժերար Լարշեին և սենատորներին՝ ջերմ ընդունելության և հայ-ֆրանսիական բացառիկ հարաբերություններին նպաստելու հանձնառության համար։

Միրզոյանը մաղթել է, որ ընդհանուր արժեքների վրա հիմնված ռազմավարական գործընկերությունը շարունակի զարգանալ։