Apple-ը պատրաստվում է հեռացնել Թիմ Քուկին. Financial Times

Apple-ի տնօրենների խորհուրդը պատրաստվում է հաջորդ տարի պաշտոնից հեռացնել գործադիր տնօրեն Թիմ Քուկին և արդեն իսկ նրան փոխարինող է փնտրում։ Այդ մասին, հղում անելով իր աղբյուրներին, հայտնում է Financial Times-ը։

Քուկը, որն արդեն 65 տարեկան է, տեխնոլոգիական հսկային ղեկավարում է 2011 թվականից՝ այդ պաշտոնում հաջորդելով ընկերության համահիմնադիր Սթիվ Ջոբսին։ Նրա պաշտոնավարման ընթացքում Apple-ը գրանցել է աննախադեպ ֆինանսական աճ. ընկերության բաժնետոմսերի ընդհանուր արժեքը 350 միլիարդ դոլարից հասել է ռեկորդային 4 տրիլիոն դոլարի։