Ապօրինի ծառահատման դեպքեր են արձանագրվել․ վնասի չափը՝ ավելի քան 43 մլն դրամ

Հայաստանի ԱԱԾ-ից ստացված տվյալների հիման վրա, Քննչական կոմիտեում քննվող քրեական վարույթի շրջանակներում, Բնապահպանության և ընդերքի տեսչական մարմնի աշխատակիցները ստուգումներ են իրականացրել «Հայանտառ» ՊՈԱԿ-ի «Իջևանի անտառտնտեսություն» մասնաճյուղի, «Իջևանի անտառպետության» 5-րդ և 6-րդ, «Խաչարձանի անտառպետության» 5-րդ և 6-րդ պահաբաժիններում։

Այս մասին հաղորդագրություն է տարածել ՀՀ բնապահպանության և ընդերքի տեսչական մարմինը։ Ստուգումներն ընդգրկել են 2024թ. օգոստոսից 2025թ. հուլիսը ներառող ժամանակահատվածը։ Արդյունքում հայտնաբերվել և արձանագրվել է տարբեր տեսակի ու տրամագծերի ապօրինի հատված 693 ծառ։

Բուսական աշխարհին պատճառված վնասի չափը կազմել է ավելի քան 43 մլն դրամ։

Ստուգման արդյունքները փոխանցվել են ՀՀ քննչական կոմիտե։