Ռուսաստանը ևս արգելափակել է Ադրբեջանի անդամակցությունը ՇՀԿ-ին

Հայտնի են դարձել Ադրբեջանի՝ ՇՀԿ-ում անդամակցության արգելափակման հանգամանքների մասին նոր մանրամասներ։

Դիվանագիտական աղբյուրներից ԱՊԱ գործակալությանը ստացված տեղեկությունների համաձայն՝ Ադրբեջանի ՇՀԿ-ում անդամակցության արգելափակումը նախաձեռնել է ոչ միայն Հնդկաստանը, այլև Ռուսաստանը։

Ավելին, ինչպես նշում է ԱՊԱ-ն, այդ գործընթացում առանցքային դեր է խաղացել Ռուսաստանի Դաշնության արտաքին գործերի նախարարությունը։

Աղբյուրի խոսքով՝ Ադրբեջանի ՇՀԿ-ում անդամակցության արգելափակման հարցը քննարկվել է Ռուսաստանի և Հնդկաստանի միջև քաղաքական խորհրդակցությունների ընթացքում, և կողմերը համապատասխան համաձայնության են հասել։ Սակայն Ռուսաստանը առաջին պլան է մղել Հնդկաստանին՝ ինքը մնալով ստվերում։