Աննա Վարդապետյանն ընտրվել է ԴՄԱ գործադիր կոմիտեի անդամ

ՀՀ գլխավոր դատախազ Աննա Վարդապետյանը Սինգապուրում սեպտեմբերի 9-ին կայացած Դատախազների միջազգային ասոցիացիայի (ԴՄԱ) Գլխավոր ժողովում ընտրվել է ԴՄԱ գործադիր կոմիտեի անդամ: Այս մասին հայտնում են ՀՀ դատախազությունից։

Գործադիր կոմիտեն ԴՄԱ-ի ղեկավար և վարչական մարմինն է: Այն կազմված է նախագահից, փոխնախագահներից և 20 անդամից:

ՀՀ գլխավոր դատախազությունը ԴՄԱ-ին անդամակցում է 1999 թվականի հունվարի 1-ից։ Որպես Գործադիր կոմիտեի անդամ՝ առաջադրվել էր առաջին անգամ:

Ասոցիացիան հիմնադրվել է 1995 թվականին և նպատակ ունի աջակցել դատախազներին ամբողջ աշխարհում՝ խթանելու իրավունքի գերակայությունը և ապահովելու մասնագիտական վարքագծի վերաբերյալ ԴՄԱ չափանիշների լիարժեք կիրառումը։