Անկախության օրվա առթիվ շնորհավորանքներ ԵԱՏՄ-ից։

21 ՍԵՊ 2025 09:28

Ղազախստանի Հանրապետության նախագահ Կասիմ-Ժոմարտ Տոկաևի շնորհավորել է ՀՀ վարչապետին անկախության օրվա առթիվ.

Իր ինքնիշխան զարգացման տարիների ընթացքում Հայաստանն անցել է խորը բարեփոխումների փշոտ ճանապարհ՝ հասնելով տպավորիչ արդյունքների պետականության ամրապնդման, քաղաքական և սոցիալ-տնտեսական արդիականացման, ինչպես նաև միջազգային ասպարեզում երկրի հեղինակության բարձրացման գործում։

Այս հաջողությունները հստակ արտացոլում են Ձեր անձնուրաց աշխատանքը և անսասան կամքը։ Ղազախստանում Ձեզ ճանաչում և հարգում են որպես ականավոր պետական գործչի, ով ունի երկրի ապագա զարգացման և նրա ժողովրդի ձգտումների ռազմավարական տեսլական։

Վստահ եմ, որ Ձեր հմուտ և ուժեղ ղեկավարության ներքո Հայաստանը կշարունակի ստեղծագործ աճի իր առաջանցիկ ուղին և կհասնի նոր բարձունքների՝ բարգավաճ պետություն կառուցելու գործում։

Ղազախստանի ժողովուրդն անկեղծորեն ուրախ է Ձեր երկրի նվաճումների համար։ Մենք հատուկ նշանակություն ենք տալիս բազմակողմանի միջպետական կապերի ամրապնդմանը՝ հավերժական բարեկամության ոգու ներքո։

- Կասիմ-Ժոմարտ Տոկաև

Բելառուսի նախագահ Ալեքսանդր Լուկաշենկոն շնորհավորել է հայ ժողովրդին ազգային տոնի՝ Անկախության օրվա կապակցությամբ: Այդ մասին հայտնել է Բելառուսի ղեկավարի մամուլի ծառայությունը ԲԵԼՏԱ-ին:

Բելառուսի և հայ ժողովուրդներին միավորում են վաղեմի բարեկամությունը, ավանդական քրիստոնեական արժեքները և ընդհանուր պատմությունը: Միասին մենք դիմացել ենք ծանր փորձությունների, տոնել ենք նշանակալի նվաճումներ և փոխադարձ աջակցություն ցուցաբերել դժվարին ժամանակներում», – ասվում է ուղերձում: Լուկաշենկոն համոզմունք է հայտնել, որ այսօր, ավելի քան երբևէ, կարևոր է պահպանել և ամրապնդել համագործակցության և գործընկերության ոգին:

- Ալեկսանդր Լուկաշենկո

Բելառուսի ղեկավարը հայ ժողովրդին մաղթել է խաղաղություն, բարգավաճում և շարունակական հաջողություններ իրենց ստեղծագործական աշխատանքում՝ ի բարօրություն Հայաստանի:

Թեգեր

Առաջարկվող հոդվածներ

Մուտք գործեք կամ ստեղծեք անվճար ReOpen Media հաշիվ՝ մեկնաբանություններ տեղադրելու համարԳրանցվել