ԱՆ-ն զգուշացնում է տերևներ այրելու վտանգների մասին

Տերևների այրումն արտազատում է մանր փոշիներ, ծխային գազեր և քիմիական միացություններ: Այդ մասին զգուշացում է տարածել Առողջապահության նախարարությունը՝ հրապարակելով ծխի պատճառով առաջացող կամ ակտիվացող առողջական խնդիրների ցանկը։ «Օդի աղտոտվածությունն առաջացնում է հետևյալ առողջական խնդիրները․

Քրոնիկ հիվանդություններով պացիենտները ավելի խոցելի են, և տերևների այրման հետևանքով առաջացած ծուխը կարող է սրացնել բրոնխային ասթման, քրոնիկ բրոնխիտը, սրտային և ալերգիկ հիվանդությունները» թվարկված է հայտարարության մեջ։

Առողջապահության նախարարությունը հորդորում է՝ տերևները և այլ բուսական մնացորդները երբեք մի այրեք․ այրման ընթացքում արտազատվող ծուխն ու վնասակար մասնիկները սրացնում են օդի աղտոտվածությունը և կարող են առաջացնել լուրջ առողջական խնդիրներ ինչպես ձեր, այնպես էլ շրջապատի համար։ «Տերևներ չայրելով դուք պաշտպանում եք ձեր առողջությունը և նպաստում մաքուր ու անվտանգ օդ ունենալուն»,- ասված է հայտարարության մեջ: