ԱՄՆ-ն Ուկրաինային 179 մլն դոլարի Patriot ՀՕՊ կվաճառի

ԱՄՆ Պետդեպարտամենտը հաստատել է Ուկրաինայի կառավարությանը Patriot հակաօդային պաշտպանության համակարգերի և դրանց հետ կապված սարքավորումների հնարավոր արտասահմանյան ռազմական վաճառքը։ Ընդհանուր գումարը կազմում է ավելի քան 179 միլիոն դոլար։ Այդ մասին ասվում է Պենտագոնի Պաշտպանական անվտանգության համագործակցության գործակալության (DSCA) հայտարարության մեջ։

Նշվում է, որ Պաշտպանության անվտանգության համագործակցության գործակալությունը տրամադրել է անհրաժեշտ հավաստագիրը և դրա մասին տեղեկացրել է Կոնգրեսին։

Ուկրաինայի կառավարությունը դիմել էր Patriot հակաօդային պաշտպանության համակարգերին աջակցող սարքավորումների և ծառայությունների գնման խնդրանքով։

Այս գործարքը կներառի գաղտնի և չդասակարգված պահեստամասեր, տեխնիկական աջակցություն, գաղտնի և չդասակարգված ծրագրային ապահովում, կապի սարքավորումներ և հարակից պարագաներ, ինչպես նաև ինտեգրման, նորոգման և վերադարձի ծառայություններ, դաշտային հսկողության ծրագիր, ԱՄՆ կառավարության և կապալառուների ներկայացուցիչների տեխնիկական օգնություն, ուսուցում և այլն։

«Առաջարկվող այս վաճառքը կնպաստի Միացյալ Նահանգների արտաքին քաղաքականության և ազգային անվտանգության նպատակների իրականացմանը՝ բարձրացնելով գործընկեր երկրի անվտանգությունը, որը Եվրոպայում քաղաքական կայունության և տնտեսական առաջընթացի շարժիչ ուժն է», - նշվում է հաղորդագրության մեջ։