ԱՄՆ պետքարտուղարի տեղակալը Երևանում է

Երևան է ժամանել ԱՄՆ պետքարտուղարի քաղաքական հարցերով տեղակալ Ալիսոն Հուքերին՝ տարածաշրջանային խաղաղության և անվտանգության հարցերով ԱՄՆ նախագահի տեսլականի առաջ մղման նպատակով: Այդ մասին հայտնում են ԱՄՆ դեսպանատնից:

Նախատեսված են Հուքերի հանդիպումները վարչապետ Փաշինյանի, արտաքին գործերի նախարար Միրզոյանի, անվտանգության խորհրդի քարտուղար Գրիգորյանի և հատուկ բանագնաց Ռուբինյանի հետ: Կքննարկվեն հայ-ամերիկյան ռազմավարական գործընկերության ամրապնդման հետագա քայլերը՝ «Թրամփի ուղի՝ հանուն միջազգային խաղաղության և բարգավաճման» նախագծի և հայ-ամերիկյան հուշագրերի շրջանակում։