ԱՄՆ-ն ցանկանում է վերադարձնել դեսպանատունը Մինսկ. Ջոն Քոուլ

ԱՄՆ նախագահի դեսպանորդ Ջոն Քոուլն ընդգծել է, որ Բելառուսի և ԱՄՆ-ի միջև ներկայիս հարաբերությունները լավն են, բայց ոչ հիանալի։

«Դեռ շատ բան կա անելու այդ հարաբերությունները հետագայում կարգավորելու, բարելավելու և այլնի համար։ Մենք ուզում ենք մեր դեսպանատունը վերադարձնել Մինսկ։ Մենք ուզում ենք, որ մեր երկրների միջև տնտեսական հարաբերությունները զարգանան, առևտուրը զարգանա», հայտնել է ԱՄՆ նախագահի դեսպանորդը։

Նա նաև հավելել է, որ նախագահ Թրամփը պատրաստ է անել ամեն ինչ՝ ԱՄՆ - Բելառուս հարաբերությունները վերջնականապես կարգավորելու համար։