ԱՄՆ-ն և Հարավային Կորեան համաձայնության են եկել առևտրային գործարքի շուրջ

ԱՄՆ նախագահ Դոնալդ Թրամփը հայտարարել է, որ Սպիտակ տանը իր հարավկորեացի գործընկեր Լի Չժե Մյոնի հետ բանակցությունների ընթացքում նրանք համաձայնության են եկել երկկողմ առևտրային համաձայնագրի պայմանների շուրջ: «Այո, կարծում եմ, մենք համաձայնության եկանք: Նրանք ունեին որոշ խնդիրներ, բայց մենք պնդեցինք մեր դիրքորոշումը: Նրանք [Հարավային Կորեայի ներկայացուցիչները] պատրաստվում են կնքել գործարք, որին համաձայնություն են տվել», - ասել է նա Սպիտակ տան մամուլի խմբին:

ԱՄՆ նախագահը նաև գովասանքի խոսքեր է հնչեցրել իր հարավկորեացի գործընկերոջ հասցեին: «Նա շատ լավ մարդ է, Հարավային Կորեայի գերազանց ներկայացուցիչ», - հավելել է ամերիկացի առաջնորդը: