ChatGPT-ի զրույցները կարող են ներկայացվել դատարան,քանի որ պաշտպանված չեն․Ալթման

OpenAI-ի տնօրեն Սեմ Ալթմանը «This Past Weekend» փոդքասթի ժամանակ զգուշացրել է, որ AI-ը դեռևս չունի հստակ իրավական մեխանիզմներ, որոնք կապահովեն օգտատերերի անձնական տվյալների պաշտտպանությունը։

Ալթմանը նշել է, որ օգտատերեը ChatGPT-ի հետ հաճախ խիստ անձնական թեմաներ են քննարկում, ինչն էլ կարող է առաջացնել լուրջ գաղտնիության խնդիր: Oրինակ՝ դատական գործերի ժամանակ օրենքը կարող է պարտադրել OpenAI-ին՝ ներկայացնել այդ խոսակցությունների բովանդակությունը։

Ալթմանը տեղեկացրել է նաև, որ OpenAI-ը փորձում է դատարանում բողոքարկել «The New York Times»-ի հայցի որոշումը, որը պահանջում է ընկերությունից պահել հարյուր միլիոնավոր օգտատերերի զրույցները (բացառությամբ ChatGPT Enterprise-ի հաճախորդների)։

Ընկերության կայքում հրապարակված հայտարարության մեջ նշվում է, որ OpenAI-ը բողոքարկել է այս որոշումը՝ այն անվանելով «լիազորությունների գերազանցում»։ Եթե դատարանը շրջանցի ընկերության կողմից սահմանված տվյալների գաղտնիության կանոնները, ապա դա կարող է բացել ճանապարհ՝ իրավական կամ իրավապահ պահանջների ավելացման համար։