Ալիև․ պաշտոնական պայմանագիրը կստորագրվի ՀՀ Սահմանադրության փոփոխությունից հետո

Ես համարում եմ, որ սա իսկապես հակամարտության, պատերազմի ավարտն է: Այդ մասին «Ալ-Արաբիա»-ի հետ հարցազրույցում հայտարարել է Ադրբեջանի նախագահը՝ մատնանշելով օգոստոսի 8-ին Վաշինգտոնում ստորագրված փաստաթղթերը։

«Ֆորմալ խաղաղության պայմանագիրը չի ստորագրվել միայն մեկ կոնկրետ պատճառով. Հայաստանի սահմանադրությունում դեռևս կա դրույթ, որը կասկածի տակ է դնում Ադրբեջանի տարածքային ամբողջականությունը»,- նշել է Իլհամ Ալիևը:

«Մենք հասկանում ենք, որ նրանք կկատարեն փոփոխություն: Եվ այն պահին, երբ այդ սահմանադրական փոփոխությունն արվի, երբ Ադրբեջանի նկատմամբ տարածքային պահանջները հանվեն, կստորագրվի պաշտոնական խաղաղության պայմանագիր: Բայց այդ փաստաթղթի նախաստորագրման փաստը Ադրբեջանի և Հայաստանի կողմից Սպիտակ տանը՝ Թրամփի նախագահի ներկայությամբ, արդեն իսկ նշանակում է պատերազմի ավարտ, որը տևել է ընդհատումներով ավելի քան երեսուն տարի»,- ասել է Ադրբեջանի նախագահը: