Ադրբեջանը պետք է մշտապես պատրաստ լինի պատերազմի, ի տարբերություն Հայաստանի.Ալիև

Ադրբեջանի նախագահը հայտարարել է, թե երկիրը պետք է մշտապես պատրաստ լինի պատերազմի։ «Մենք պետք է ցանկացած պահի պատրաստ լինենք պատերազմի։ Քանի որ աշխարհում ընթացող գործընթացները զարգանում են այնպիսի ուղղությամբ, որ անհնար է իմանալ, թե ինչ կլինի վաղը»,- ասել է Ալիևը։

Նա նշել է, որ Լեռնային Ղարաբաղի երկրորդ պատերազմից (2020 թ. սեպտեմբեր-նոյեմբեր) հետո Ադրբեջանը «հազարներով» ավելացրել է հատուկ ստորաբաժանումների անձնակազմը, ձեռք է բերել «ամենաժամանակակից» անօդաչու թռչող սարքեր, ինչպես նաև կնքվել են պայմանագրեր «նոր մարտական ինքնաթիռների համար, իսկ առկա ինքնաթիռները լիովին արդիականացվել են»։

Հիշեցնենք, որ գրեթե զուգահեռ, օգոստոսի 21-ին երևանում լրագրողների հետ հանդիպմանը ՀՀ վարչապետ Նիկոլ փաշինյանը հայտարարել է, որ Հայաստանը չի ավելացնի, կամ գրեթե չի ավելացնի սպառազինության համար նախատեսվող ծախսերը 2026 թվականին։