Ալիևն ընդունել է Մեծ Բրիտանիայի նախարարին

Ադրբեջանի նախագահ Իլհամ Ալիևն ընդունել է Մեծ Բրիտանիայի Եվրոպայի, Հյուսիսային Ամերիկայի և արտասահմանյան տարածքների հարցերով պետական նախարար Սթիվեն Դոութիին:

Նա փոխանցել է շնորհավորանքներ Վաշինգտոնում Հայաստանի հետ հարաբերությունների կարգավորման և խաղաղ օրակարգի վերաբերյալ ձեռք բերված պայմանավորվածությունների, ինչպես նաև COP29-ի հաջող անցկացման կապակցությամբ:

Կողմերը քննարկել են Ադրբեջանի և Մեծ Բրիտանիայի միջև կապերի զարգացումը, ներառյալ տնտեսությունը, առևտուրը, կրթությունը, տեղեկատվական և հաղորդակցական տեխնոլոգիաները և էներգետիկան: Առանձնահատուկ ընդգծվել է bp-ի հետ ավելի քան 30-ամյա համագործակցությունը:

Հանդիպման ավարտին բրիտանացի նախարարը Ալիևին հուշանվեր է հանձնել: