Աջապահյանի գործով վերդիկտ չի կայացվել․ նիստը կշարունակվի սեպտեմբերի 2-ին

Երևանի ընդհանուր իրավասության քրեական դատարանում շարունակվող Շիրակի թեմի առաջնորդ Միքայել արքեպիսկոպոս Աջապահյանի գործով դատական նիստում եզրափակիչ ելույթով հանդես եկող հանրային մեղադրողը միջնորդել է մեղավոր ճանաչել սրբազանին։

Դատախազ Վահան Հարությունյանը մեջբերել է հատվածներ Միքայել սրբազանի՝ լրատվամիջոցներին տված հարցազրույցներից, որտեղ մեղադրողները իշխանությունը զավթելուն ուղղված կոչեր են արձանագրել։ Միքայել սրբազանի պաշտպան Երեմ Սարգսյանը, դիմելով դատարանին, հայտարարել է, որ իրենք հերքելու են մեղադրանքները՝ անկախ նրանից, որ «նախագահող դատավորը վաղուց գիտեր, որ պետք է դատապարտի գերաշնորհ Միքայել արքեպիսկոպոսին ու այլ ելք չունի, քան նրան մեղավոր ճանաչելը»։

Ամեն դեպքում, Սարգսյանը դատական նիստի ընթացքում միջնորդել է հռչակել Աջապահյանի անմեղությունը և կայացնել արդարացման վերդիկտ։

Միքայել սրբազանի գործով օգոստոսի 28-ին վերդիկտ չի կայացվել։ Դատական նիստը կշարունակվի սեպտեմբերի 2-ին՝ 14։30–ին։