Աֆղանստանը դադարեցրել է ռազմական գործողությունները Պակիստանի հետ

Աֆղանստանը դադարեցրել է ռազմական գործողությունները Պակիստանի հետ: Այդ մասին հայտարարել է Պակիստանի պաշտպանության նախարարությունը:

Ավելի վաղ տեղեկություն էր տարածվել, որ Պակիստանը և Աֆղանստանը փոխանակվել են ռազմական թիրախների հարվածներով։ Ալ Ջազիրան, հղում անելով Աֆղանստանի պաշտպանության նախարարությանը, հաղորդել է սահմանային յոթ նահանգներում բախումների բռնկման մասին։ Գործողությունը սկսվել է Քաբուլում և Խոստ ու Նանգարհար նահանգներում հրետակոծություններին ի պատասխան։ Աֆղանստանը հարվածներ է հասցրել արևելյան և հարավային սահմանի երկայնքով գտնվող ռազմական բազաներին։ Tolo News-ը, հղում անելով Թալիբանի կառավարության պաշտպանության նախարարության հայտարարությանը, հաղորդում է, որ թիրախավորվել են Աֆղանստան անօդաչու թռչող սարքերի արձակման համար օգտագործվող օբյեկտները:

Պակիստանի SAMAA հեռուստաընկերությունը պնդում է, որ Աֆղանստանը կրակ է բացել առանց որևէ պատճառաբանության։ «Թալիբան»-ի ուժերը մի քանի ուղղություններով հարձակվել են Պակիստանի սահմանային դիրքերի վրա, ինչի հետևանքով Պակիստանի զինվորականները նահանջել են որոշ շրջաններում, հաղորդում է Tolo News լրատվական կայքը։ Բախումների ընթացքում սպանվել է 12 պակիստանցի զինվոր։ Պակիստանը պատասխանել է՝ ոչնչացնելով մի քանի աֆղանական դիրքեր։

Աֆղանստանի պաշտպանության նախարարությունը հայտարարել է «պատասխան գործողության» ավարտի մասին և զգուշացրել, որ եթե Պակիստանը կրկին խախտի սահմանը, երկրի զինված ուժերը «կտան վճռական պատասխան»։

Ավելի ուշ Պակիստանը հայտարարեց բախումների արդյունքում 19 աֆղանական սահմանային դիրքերի գրավման մասին։