Աֆղանստանում երկրաշարժի հետևանքով կան զոհեր և վիրավորներ

Աֆղանստանի արևելքում տեղի ունեցած երկրաշարժի հետևանքով զոհվել է մոտ 500, վիրավորվել՝ ավելի քան 1000 մարդ, փոխանցում են տեղական ու միջազգային լրատվամիջոցները։

Զոհերի թիվը դեռ վերջնական չէ։ Որոնողափրկարարական աշխատանքները շարունակվում են։

Ֆրանս Պրեսը, հղում անելով ԱՄՆ Երկրաբանական ծառայության (USGS) տվյալներին, նշում է, որ էպիկենտրոնը Ջելալաբադից 27 կիլոմետր հեռավորության վրա էր, օջախի խորությունը՝ ութ կիլոմետր:

Գործակալության տվյալներով՝ երկրաշարժը զգացվել է Քաբուլից մինչև Պակիստանի մայրաքաղաք Իսլամաբադ ընկած տարածքում: