Ադրբեջանը 2026-ին կավելացնի պաշտպանական ծախսերը

2026 թվականին Ադրբեջանում պաշտպանության և անվտանգության ծախսերը պլանավորվում են 8 միլիարդ 714,8 միլիոն մանաթի չափով։ Այդ մասին ասվում է Ադրբեջանի ֆինանսների նախարարության «2026 թվականի համախառն և պետական բյուջեների նախնական ցուցանիշների մասին» տվյալներում:

Ֆինանսների նախարարության կայքում հրապարակված նյութերի համաձայն՝ դա 3,8%-ով ավելի է, քան 2025 թվականի համար հաստատված կանխատեսումը:

Պաշտպանության և ազգային անվտանգության ծախսերը կկազմեն Ադրբեջանի 2026 թվականի պետական բյուջեի բոլոր ծախսերի մոտ 21%-ը։

2026 թվականի բյուջեի նախագծում Ադրբեջանի կառավարությունը պաշտպանության և ազգային անվտանգության ծախսերի համար նախատեսել է 8,815 միլիարդ մանաթ (գործող փոխարժեքով՝ 5,12 միլիարդ դոլար)։