Ադրբեջանից Վրաստան է տեղափոխվել 200 կգ հերոին

27 ՍԵՊ 2025 11:10

Վրաստանի ՆԳՆ-ն առգրավել է հերոինի առանձնապես խոշոր խմբաքանակ՝ ավելի քան 200 կիլոգրամ, հաղորդում է Գրուզիա Օնլայնը։ Կալանավորվել է 1989 թվականին ծնված Իրանի քաղաքացի։

«Իրավապահ մարմինների աշխատակիցները մեղադրյալի վարած բեռնատարում հայտնաբերել և առգրավել են ութ պարկ, որոնք թաքցված էին «ձկան կերի» բեռի տակ, որը պարունակում էր 200 կիլոգրամ հերոին։ Ձեռք բերված ապացույցները հաստատում են, որ տրանսպորտային միջոցը Վրաստան է մտել Իրանից՝ Ադրբեջանի միջոցով՝ Կարմիր կամրջի սահմանային անցակետով»,- ասված է պաշտոնական հաղորդագրության մեջ։

Քննչական գործողությունները կշարունակվեն հանցագործությանը ենթադրաբար ներգրավված այլ անձանց հայտնաբերելու և նրանց պատասխանատվության ենթարկելու համար։ Ըստ Վրաստանի օրենսդրության, մեղքը հաստատվելուց հետո Իրանի քաղաքացուն կարող է սպառնալ առնվազն 20 տարվա, կամ անգամ՝ ցմահ ազատազրկում։

Թեգեր

Առաջարկվող հոդվածներ

Մուտք գործեք կամ ստեղծեք անվճար ReOpen Media հաշիվ՝ մեկնաբանություններ տեղադրելու համարԳրանցվել