Նյու Յորքում ավտոբուսի վթարից հինգ զբոսաշրջիկ է զոհվել

Նյու Յորքի նահանգի ոստիկանության տվյալներով՝ Նյու Յորք նահանգի արևմտյան հատվածում գտնվող New York State Thruway մայրուղում տեղի ունեցած տուրիստական ավտոբուսի վթարի հետևանքով հինգ մարդ է զոհվել։ Այս մասին հայտնում է BBC News-ը։

Ոստիկանությունը հայտնել է, որ խումբը ԱՄՆ-Կանադա սահմանին գտնվող Նիագարայի ջրվեժից վերդառնում էր Նյու Յորք։ Ականատեսները տեսել են, թե ինչպես է Բուֆֆալոյից 30 մղոն դեպի արևելք գտնվող Պեմբրոք քաղաքի մոտակայքում մեքենան կորցրել կառավարումը և շրջվել։

Ոստիկանությունը հաստատել է, որ վթարի պահին ավտոբուսում եղել է 52 մարդ՝ 1-ից 74 տարեկան։ Ըստ պաշտոնական աղբյուրի, զոհերի մեծ մասը եղել են զբոսաշրջիկներ՝ Հնդկաստանից, Չինաստանից և Ֆիլիպիններից: Նյու Յորքի նահանգապետ Քեթի Հոչուլը հայտարարել է, որ տեղական իշխանությունները աշխատում են տուժածներին փրկելու և օգնություն ցուցաբերելու ուղղությամբ: Վթարի վայր են ժամանել շտապօգնության մեքենաներ և բժշկական ուղղաթիռներ։

Նյու Յորքի նահանգային ոստիկանության ստորաբաժանման հրամանատար Անդրե Ռեյ Մեյջորը մամուլի ասուլիսի ժամանակ հայտարարել է, որ վթարի պատճառը դեռևս պարզվում է։ Սակայն, այս պահին բացառվել են մեխանիկական անսարքությունը։