2026-ին հարկային եկամուտները կկազմեն 2.69 տրլն դրամ

ՀՀ պետական եկամուտների կոմիտեի նախագահ Էդուարդ Հակոբյանը Ազգային ժողովի համապատասխան մշտական հանձնաժողովների համատեղ նիստում ներկայացրել է 2026 թվականի պետական բյուջեի նախագծով նախատեսված ֆինանսական ցուցանիշները՝ ընդգծելով հարկային եկամուտների աճի տպավորիչ դինամիկան։

Ներկայացնելով ընթացիկ տարվա առաջին ինը ամիսվա արդյունքները՝ ՊԵԿ նախագահը դրանք որակել է «ոգևորիչ ու տպավորիչ»։ Նա տեղեկացրել է, որ հունվար-սեպտեմբեր ամիսներին պետական բյուջե է մուտքագրվել 2 տրիլիոն 13 միլիարդ դրամի հարկային եկամուտ և պետական տուրք, ինչը 14 տոկոսով գերազանցում է նախորդ տարվա նույն ժամանակահատվածի ցուցանիշը։

Այս դրական միտումը կպահպանվի նաև առաջիկայում։ Էդուարդ Հակոբյանի խոսքով՝ «2025 թվականին սպասվում են 2 տրիլիոն 690 մլրդ հարկային եկամուտներ, որոնք 300 մլրդ դրամով ավելի են 2024 թվականից»։ Ակնկալվում է նաև հարկեր/ՀՆԱ հարաբերակցության ցուցանիշի էական բարելավում, որը, ըստ կանխատեսումների, կհասնի 24,5 տոկոսի՝ գերազանցելով նույնիսկ 2023 թվականի արդյունքները։

Խոսելով ՊԵԿ-ի ծախսերի մասին՝ զեկուցողը նշել է, որ 2026 թվականին դրանք կկազմեն 36 միլիարդ դրամ՝ 4 միլիարդով ավելի 2025-ի համեմատ։ Աճի հիմնական մասն ուղղվելու է հիփոթեքային վարկերի գծով տոկոսների գումարի վերադարձին։