Թուրքիայում ձերբակալվել են Assan Group-ի ղեկավարները՝ռազմական լրտեսության համար

Թուրքիայի իշխանությունները ձերբակալել են Assan Group պաշտպանա-շինարարական կոնգլոմերատի սեփականատեր Էմին Օներին և գլխավոր տնօրեն Գյուրքան Օքումուշին։ Այս մասին հայտնում է Reuters գործակալությունը՝ հղում անելով Ստամբուլի դատախազությանը։

Նրանք մեղադրվում են ռազմական լրտեսության և FETÖ-ին անդամակցելու մեջ։ Դատախազությունը հավելել է, որ գործի հետաքննությունը և կասկածյալների տներում ու գրասենյակներում խուզարկությունները շարունակվում են։

Միևնույն ժամանակ, Assan Group ընկերությունը հերքել է Թուրքիայի բանակի գնումների մասին գաղտնի տեղեկություններ ստանալու մասին լուրերը՝ դրանք անվանելով «զրպարտչական արշավի մաս»։