Եվրոպան դատապարտում է Կիևի հրթիռակոծումը

Օգոստոսի 28-ի երեկոյան Եվրոպական դիվանագիտության ղեկավար Կայա Կալասն արձագանքել է Ռուսաստանի կողմից զանգվածային հրետակոծության հետևանքով Կիևում ԵՄ ներկայացուցչության շենքին հասցված վնասին։

Կալասի խոսքով ոչ մի դիվանագիտական առաքելություն չպետք է դառնա թիրախ, և հավելել, որ Բրուսելում Ռուսաստանի դեսպանին հրավիրել են Եվրամիության արտաքին գործողությունների ծառայություն բացատրություններ տալու։

Թեմային անդրադարձել է նաև Ֆրանսիայի նախագահը։ Էմանուել Մակրոնը տեղի ունեցածը անվանել է ահաբեկչություն և բարբարոսություն։

«629 հրթիռ և անօդաչու թռչող սարք մեկ գիշերվա ընթացքում. և սա Ռուսաստանի խաղաղության գաղափարն է։ Ֆրանսիան ամենախիստ կերպով դատապարտում է այս անիմաստ և դաժան հարձակումները», ասել է նա։