Թրամփը շտապել է շնորհավորել Ճապոնիայի «առաջին կին վարչապետին»

ԱՄՆ նախագահ Դոնալդ Թրամփը շնորհավորել է ճապոնացիներին Սանաե Տակաիչիին վարչապետի պաշտոնում ընտրվելու կապակցությամբ՝ նրան անվանելով Ճապոնիայի պատմության մեջ կառավարությունը գլխավորած առաջին կինը։

«Ճապոնիան քիչ առաջ ընտրեց իր առաջին կին վարչապետին՝ մի անձնավորության, ով վայելում է մեծ հարգանք, օժտված է իմաստությամբ և ուժով։ Սա հիանալի նորություն է Ճապոնիայի հրաշալի ժողովրդի համար։ Շնորհավորում եմ բոլորին», - գրել է ԱՄՆ նախագահը։

Հարկ է նշել, որ Սանաե Տակաիչին առայժմ ընդամենը գլխավորել է իշխող Լիբերալ-դեմոկրատական կուսակցությունը և հանդիսանում է վարչապետի պաշտոնի հիմնական թեկնածուն։ Կառավարության նոր ղեկավարին վերջնականապես հաստատող քվեարկությունը Ճապոնիայի խորհրդարանում տեղի կունենա հոկտեմբերի կեսերին։