Տուգանք՝ բարձր երաժշտության ու ազդանշանի համար

Հոկտեմբերի 2-ին ԱԺ-ն ամբողջությամբ ընդունեց մեքենաներում բարձր երաժշտության համար պատիժ սահմանող նախագիծը: Ըստ այդմ, առաջարկվել է արգելել տրանսպորտային միջոցներում լրացուցիչ ուժեղացուցիչների և բարձրախոսների տեղադրումը, քանի որ դրանցից հնչող բարձր երաժշտությունն ու ձայները կարող են խախտել հասարակական անդորրը, դժվարացնել շչակների ձայնը լսելը և շեղել վարորդներին:

Սահմանված կարգից շեղումները հետևանքներ են ունենալու։ Համապատասխան իրավախախտումն առաջացնում է 10 000 դրամ տուգանք և տուգանային միավորի կիրառում։

Երկու միավոր կհանվի ստանդարտներին չհամապատասխանող լուսային կամ ձայնային ազդանշաններ արձակելու սարքավորումների, խլացուցիչների կամ նվագարկիչների լրացուցիչ ուժեղացուցիչների կամ բարձրախոսների կիրառման դեպքում։ Իսկ տվյալ սարքավորումները կբռնագրավվեն: