Ո՞վ պետք է ապահովեր անչափահասի անվտանգությունը․ ՄԻՊ-ի արձագանքը

Բռնության ցանկացած դրսևորում բացարձակապես անընդունելի է, իսկ պետությունը պարտավոր է ապահովելու անչափահասների անվտանգությունը ուսումնական հաստատություններում և դրանցից դուրս։ Այդ մասին հայտարարել է ՀՀ ՄԻՊ–ը` անդրադառնալով Տավուշում գրանցված միջադեպին։

«Պաշտպանը կարևորում է պետական մարմինների, հատկապես իրավապահ համակարգի անհապաղ գործողությունների իրականացումը։ Նրանք պարտավոր ապահովել տուժած ուսանողի անվտանգությունը, անհրաժեշտ բժշկական, հոգեբանական և սոցիալական աջակցությունը, ինչպես նաև համայնքում և ուսումնական հաստատություններում բռնությունը կանխարգելելու ուղղությամբ ձեռնարկել գործուն միջոցներ:

«Անհրաժեշտ է անհապաղ երեխաների հետ աշխատող և երեխայի նկատմամբ բռնության կանխարգելման, բացահայտման և արձագանքման պարտավորություն ունեցող բոլոր մասնագետների համար պարտադիր դասընթացներ և պարբերական վերապատրաստումներ անցկացնել, կրթական ծրագրերում երեխայի նկատմամբ բռնության վերաբերյալ թեմաներ ներառել»,- ասված է Պաշտպանի տարածած հայտարարության մեջ:

Անահիտ Մանասյանը ԶԼՄ-ների ներկայացուցիչներին և սոցիալական ցանցերի օգտատերերին կոչ է անում անհապաղ հեռացնել և չտարածել բռնության տեսարաններով տեսանյութը՝ ելնելով երեխայի լավագույն շահի ապահովման և «մի՛ վնասիր» սկզբունքներից։