Ռուսաստանն իրականացրել է տարվա խոշորագույն օդային հարձակումներից մեկը

Ուկրաինայի զինված ուժերը հայտարարել են, որ Ռուսաստանն այս գիշեր իրականացրել է ուկրաինական կողմի վրա այս տարվա ընթացքում իրականացված ամենամեծ օդային հարձակումներից մեկը, որի ընթացքում թիրախավորվել են երկրի գլխավորապես արևմտյան շրջանները։

Associates Press-ի փոխանցմամբ՝ հարձակման ժամանակ օգտագործվել է 574 անօդաչու և 40 հրթիռ, որոնց մի մասը հաջողվել է ոչնչացնել։ Ուկրաինայի արտաքին գործերի նախարար Անդրեյ Սիբիհան հայտարարել է, որ Ռուսաստանը երկրի արևմուտքում հարվածել է «խոշոր ամերիկյան էլեկտրոնիկայի արտադրողի»։

Զելենսկին մեղադրել է ռուսական կողմին՝ ընդգծելով, որ «ռուսներն իրականացրել են այս հարձակումը, ասես ոչինչ էլ չի փոխվել, ասես չկան համաշխարհային ջանքեր ավարտելու պատերազմը»։