Մոսկվան մեղադրում է Իրանին ապատեղեկատվության մեջ

Տարածված հայտարարությունում նշվում է, որ Ռուսաստանի արտաքին քաղաքականության մասին ոչ հավաստի հրապարակումները հաճախակիացել են՝ ռուս-իրանական բարեկամական հարաբերությունների վրա ստվեր գցելու նպատակով։ Դրանց իմաստը հանգում է նրան, թե իբր Ռուսաստանն Իրանի համար «հուսալի գործընկեր» չէ և «հարկ եղած ձևով աջակցություն չի ցուցաբերել Իսրայելի հետ հակամարտության ընթացքում»։

Ըստ գերատեսչության՝ նման նյութերը հուշում են Ռուսաստանի և Իրանի թշնամական ուժերի համակարգված ապատեղեկատվական արշավի մասին, որի նպատակն է խաթարել բարեկամ երկրների միջև ռազմավարական գործընկերությունը և վարկաբեկել աջակցությունը, որը Ռուսաստանը ցույց է տվել և ցույց է տալիս իր հարավային հարևանին ու բարեկամին։ Մոսկվային հատկապես զայրացրել է իրանցի պաշտոնյաներից մեկի հայտարարությունը, թե Ռուսաստանը Իսրայելին հետախուզական տեղեկատվություն է տրամադրել՝ իրանական հակաօդային համակարգի ճշգրիտ կոորդինատներով։