Լոնդոնից Պեկին թռչող ինքնաթիռը վայրէջք է կատարել Նիժնևարտովսկում

Ավելի քան 300 բրիտանացի և չինացի վայրէջք են կատարել Նիժնևարտովսկի օդանավակայանում՝ ինքնաթիռի՝ միայն մեկ աշխատող շարժիչով: «Air China ավիաընկերության Boeing 777-39L ինքնաթիռը, որը Լոնդոնի Հիթրոու օդանավակայանից թռչում էր Պեկին՝ 311 ուղևորով, Նիժնևարտովսկում վթարային վայրէջք է կատարել շարժիչի անսարքության պատճառով: Ինքնաթիռն ինքնուրույն պտտվել է թռիչքուղու վրա և մեկ շարժիչով հասել է կայանատեղի: Ուղևորների տարհանման համար ուղարկվել է պահեստային ինքնաթիռ:

Նիժնևարտովսկում կարող են դժվարություններ առաջանալ 311 ուղևորների տեղավորման հետ կապված մինչև պահեստային ինքնաթիռի ժամանումը, քանի որ օդանավակայանի տարողունակությունը սահմանափակ է: Քաղաքի հյուրանոցներում տեղավորումը, եթե ուղևորները հաշվառվեն սահմանային հսկողություն անցնելուց հետո, կդժվարանա, քանի որ արտասահմանյան քարտերը Ռուսաստանում չեն գործում»: