Կրեմլը հերքում է Եվրոպայում դրոնների հետ կապը

ՌԴ նախագահի մամուլի քարտուղար Դմիտրի Պեսկովը հերքել է Եվրոպայում հայտնաբերված անօդաչու թռչող սարքերի հետ Ռուսաստանի կապի մասին մեղադրանքները՝ դրանք համարելով անլուրջ և ընդհանրական։

«Եվրոպայում կան բազմաթիվ քաղաքական գործիչներ, որոնք հակված են այժմ ամեն ինչում մեղադրել Ռուսաստանին։ Նրանք դա անում են անհիմն, և մենք այդ հայտարարություններին այդպես էլ վերաբերվում ենք։ Ռուսաստանին դրանում մեղադրելու որևէ հիմք չկա», - հայտարարել է Կրեմլի խոսնակը։

Պեսկովը նաև հիշեցրել է, որ նույնիսկ արտասահմանյան լրատվամիջոցները, անդրադառնալով անօդաչու թռչող սարք արձակած տեղի ավիասիրողի ձերբակալությանը, նշել են, որ նա որևէ կապ չունի Ռուսաստանի հետ։