Կամչատկայում հայտարարվել է ցունամիի սպառնալիք

Կամչատկայի ափերի մոտ տեղի է ունեցել 7,7 մագնիտուդով երկրաշարժ, հայտնել է նահանգապետ Վլադիմիր Սոլոդովը: Երկրաշարժը տեղի է ունեցել Մոսկվայի ժամանակով 5:37-ին, Պետրոպավլովսկ-Կամչատսկիից 114 կիլոմետր արևելք: Օջախը գտնվել է 39,5 կմ խորության վրա:

Վնասների մասին տեղեկություններ չեն ստացվել: Ցնցումները զգացվել են Պետրոպավլովսկ-Կամչատսկիի, Վիլյուչինսկի և Ելիզովսկի շրջանի առանձին տարածքներում՝ մինչև վեց բալ ուժգնությամբ:

Կամչատկայում հայտարարվել է ցունամիի սպառնալիք։ Ռուսաստանի արտակարգ իրավիճակների նախարարությունը զգուշացրել է, որ ափամերձ գոտիներ կարող են հասնել մինչև 120 սմ բարձրությամբ ցունամիի ալիքներ։ «Խնդրում ենք առանձնապես զգոն լինել Խալակտիրսկի լողափ և այլ ցունամիավտանգ գոտիներ այցելելիս», - գրել է նահանգապետ Սոլոդովը Telegram-ի իր ալիքում: