Հյուսիսային Կորեան ևս 5000 զինվոր է ուղարկել Ռուսաստան

5 НОЯБ. 2025 11:25

Հյուսիսային Կորեան շարունակում է ընդլայնել իր ռազմական ներկայությունը Ռուսաստանում՝ ուղարկելով ևս 5000 զինծառայողի։ Այս մասին, հղում անելով երկրի Ազգային հետախուզական ծառայության (NIS) տվյալներին, հայտարարել է Հարավային Կորեայի խորհրդարանի անդամ Լի Սոն Գվոնը։

Հետախուզական ծառայության կողմից անցկացված ճեպազրույցից հետո պատգամավորը հայտնել է, որ նոր խմբաքանակը նախատեսվում է ներգրավել ենթակառուցվածքների վերականգնման աշխատանքներում։

«Սեպտեմբերից շուրջ 5000 հյուսիսկորեացի շինարարական զորքեր փուլ առ փուլ տեղափոխվում են Ռուսաստան և, ինչպես սպասվում է, կմասնակցեն ենթակառուցվածքների վերականգնմանը», - ասել է Լի Սոն Գվոնը։

Հարավկորեական հետախուզության տվյալներով՝ այս նոր համալրումից հետո ռուս-ուկրաինական սահմանի մոտ տեղակայված հյուսիսկորեացի զինվորների ընդհանուր թիվը հասնում է մոտ 10 հազարի։ Սեուլը նաև գնահատել է հյուսիսկորեական կողմի կորուստները. ըստ այդ տվյալների՝ մարտական գործողությունների գոտում զոհվել է առնվազն 600 զինծառայող, ևս հազարավորները վիրավորվել են։

Հարավային Կորեայի հետախուզական ծառայությունը պնդում է, որ այս համագործակցությունը փոխշահավետ բնույթ է կրում։ Ըստ նրանց՝ զորքեր ուղարկելու դիմաց Փհենյանը Մոսկվայից ստանում է ռազմական տեխնոլոգիաներ, վառելիք և պարեն՝ այդպիսով շրջանցելով իր դեմ սահմանված միջազգային խիստ պատժամիջոցները։

Связанные статьи

Войдите или создайте бесплатную учетную запись ReOpen Media, чтобы опубликовать комментарииЗарегистрироваться