Ռեսուրսները բավարար են. ՆԳՆ-ն՝ Տավուշի հրդեհների մասին

Հայաստանում բռնկված հրդեհների հետ կապված իրավիճակը վերահսկելի է, այլ երկրների օգնությանը դիմելու հարց չի քննարկվել։ Լրատվամիջոցների հետ զրույցում ասել է ՀՀ ՆԳՆ մամուլի խոսնակ Նարեկ Սարգսյանը։ Նրա խոսքով՝ մեր ռեսուրսները թե՛ անձնակազմի, թե՛ տեխնիկայի առումով այս պահին լրիվ բավարար են։

Ընդհանուր առմամբ, Ժամը 16։00-ի դրությամբ Տավուշի մարզում 4 կետերում իրականացվում են հրդեհաշիջման աշխատանքներ։

Հրդեհաշիջման աշխատանքներին ներգրավված են շուրջ 700 փրկարար, էկոպարեկներ, բնակիչներ, ոստիկաններ, ինչպես նաև ՊՆ ուղղաթիռ, որն անդադար չվերթներ է ու հետախուզում է իրականացնում։