Հայ ճարտարապետի նախագիծը հաղթել է Համբուրգի օպերայի մրցույթում

Հայազգի ճարտարապետ Սարգիս Սարգսյանի և նրա գործընկեր Մայքլ Լիֆի գլխավորությամբ մշակված հայեցակարգը հաղթող է ճանաչվել Համբուրգի պետական օպերայի նոր շենքի նախագծման միջազգային մրցույթում։ Այս նշանակալի աշխատանքը կատարվել է աշխարհահռչակ Bjarke Ingels Group (BIG) ճարտարապետական բյուրոյում, որտեղ երկու մասնագետներն էլ զբաղեցրել են առաջատար դիրքեր։

Այսօր արդեն Սարգսյանը, Լիֆը և նրանց գործընկերները միավորվել են՝ զարգացնելու սեփական՝ Proforma Studio-ն։ Թիմը բաղկացած է չորս ճարտարապետից, որոնցից երեքը հեղինակավոր Հարվարդի Դիզայնի բարձրագույն դպրոցի (Harvard Graduate School of Design) շրջանավարտներ են։ Մինչ սեփական ստուդիայի հիմնումը, թիմի անդամները BIG-ի կազմում մասնակցել են գլոբալ նշանակություն ունեցող մի շարք խոշոր օբյեկտների մշակմանը։

Նրանց պորտֆոլիոյում են այնպիսի կարևոր նախագծեր, ինչպիսիք են Պրահայի Vltava ֆիլհարմոնիկը, Սուչժոուի Jinji Lake տաղավարը (Չինաստան) և Բուդապեշտի Հունգարիայի ազգային պատմության թանգարանը։

Հենց այս միջազգային փորձաքննությունն էլ դրվել է Հայաստանում նրանց առաջին նախագծի՝ «Կամերտունի» (Kamertoon) հիմքում, որը տեղակայված է լինելու գեղատեսիլ Հրազդանի կիրճում։ Սա եզակի օրինակներից է, երբ BIG-ի փորձառությամբ և Հարվարդի կրթությամբ թիմը նախագծում է իրականացնում Երևանում՝ նպատակ ունենալով ճարտարապետության գլոբալ սկզբունքները ներդաշնակորեն ադապտացնել տեղական համատեքստին։