Վրաստանում վարորդը մեքենայով մխրճվել է դպրոցականների խմբի մեջ

Վրաստանում վարորդը բողոքի ակցիայի ժամանակ մեքենայով մխրճվել է դպրոցականների ամբոխի մեջ և տեղափոխվել հոգեբուժական կլինիկա։ Այդ մասին հաղորդում են վրացական աղբյուրները։ Ըստ աղբյուրների, միջադեպը տեղի է ունեցել նախորդ օրը՝ դպրոցի աշակերտների և ծնողների բողոքի ակցիայի վայրում։

Ակցիայի ժամանակ անհայտ տղամարդը ավտոմեքենայով վտանգավոր մանևրեր է կատարել անչափահասների մոտ, ապա՝ բախվել մոտակայքում կայանված մեքենային։

Վրաստանի ներքին գործերի նախարարությունից հայտնել են, որ փաստի առթիվ հետաքննություն է սկսվել։

Կարգազանց վարորդը պատասխանատվության կենթարկվի ճանապարհատրանսպորտային պատահարի վայրը թողնելու, տրանսպորտային միջոցը կանգնեցնելու մասին ոստիկանի պահանջը չկատարելու, ինչպես նաև վարորդի կողմից երթևեկության կանոնները խախտելու համար։