Ատոմակայանի նոր էներգաբլոկ է պետք ըստ մասնագետների

Նախորդ տարի Հայաստանի և Ռուսաստանի միջև ստորագրվեց միջպետական համաձայնագիրը, որով նախատեսվում է 1000-1200 մեգավատ հզորությամբ էներգաբլոկ կառուցել։ Ատոմային էներգաբլոկի կառուցումը կարժենա մոտ 3-5 միլիարդ դոլար։

Երևանից ուղիղ գծով 36 կմ հեռավորության վրա կառուցված միջուկային կայանի առաջին էներգաբլոկը չի շահագործվում։ Երկրորդի նախագծային ժամկետն ավարտվել է 2016 թվականին։ Լայնածավալ արդիականացումից հետո նրա շահագործման լիցենզիան երկարաձգվել է մինչև 2026 թվականը։ Ներկայումս աշխատանքներ են տարվում՝ շահագործման ժամկետը ևս 10 տարով երկարաձգելու և այն հասցնելու մինչև 2036 թվականը։ Իսկ ի՞նչ է անելու Հայաստանը հետո։