Բաքվում շարունակվում է Արցախի ղեկավարների «դատավարությունը»

Ադրբեջանում հոկտեմբերի 31-ին շարունակվել է Արցախի ռազմաքաղաքական ղեկավարության՝ նախագահներ Արայիկ Հարությունյանի, Արկադի Ղուկասյանի, Բակո Սահակյանի և հանրապետության իշխանությունների այլ ներկայացուցիչների նկատմամբ դատական ֆարսը: Այդ մասին հայտնում են ադրբեջանական աղբյուրները։

Ըստ ադրբեջանական լրատվամիջոցների, Արցախի ՊԲ հրամանատարի նախկին տեղակալ Դավիթ Մանուկյանը հայտարարել է, թե «համաձայն չէ իրեն մեղսագրվող հանցագործությունների որոշ առանձնահատկությունների հետ»։

«Դատարանը» մերժել է նրա միջնորդությունը։ «Դատական հետաքննությունն» ավարտվել է։ «Դատավարությունը» կշարունակվի նոյեմբերի 3-ին։