Ամերիկյան ռազմանավերը մոտեցել են Վենեսուելայի ափերին

ԱՄՆ ռազմածովային ուժերի USS Gravely հրթիռային էսկադրոնային ականակիրը և USS Iwo Jima դեսանտային նավը Կարիբյան ծովում զբաղեցրել են այնպիսի դիրքեր, որտեղից հնարավոր է հարվածներ հասցնել Վենեսուելայի տարածքին։ Այս մասին հայտնում է Newsweek-ը՝ հղում անելով արբանյակային լուսանկարներին։

Նախապես այս նավերը շարժվում էին Գրենադայից արևմուտք, որտեղ և նկատվել էին ավելի վաղ։ Այժմ դրանք գտնվում են Վենեսուելային պատկանող Օրչիլա կղզուց մոտ 200 կմ հեռավորության վրա, որտեղ տեղակայված են երկրի ռազմաօդային բազաներն ու ռադարները։

ԱՄՆ-ի կողմից Կարիբյան ավազանում ռազմական ներկայության մեծացումը տեղի է ունենում Վաշինգտոնի և Կարակասի միջև լարվածության աճի ֆոնին։ ԱՄՆ վարչակազմը պնդում է, որ այս գործողություններն ուղղված են տարածաշրջանում թմրակարտելների դեմ պայքարին, սակայն Վենեսուելայի իշխանությունները դրանք որակում են որպես սադրանք։