Երևանում գազի բալոնի արտահոսքից հրդեհ է բռնկվել. կա տուժած

5 NOV 2025 16:37

Հրդեհ է բռնկվել Երևանի Եղիշե Թադևոսյան փողոցի բազմաբնակարան շենքի 7-րդ հարկում, հայտնում է Փրկարար ծառայությունը:

Նախնական տվյալներով՝ պատշգամբում տեղի է ունեցել գազի բալոնի արտահոսք։

Փրկարարները բնակարանից դուրս են բերել մեկ տուժածի, որը տեղափոխվել է հիվանդանոց։ Հրդեհը մարվել է մոտ կես ժամվա ընթացքում։