Եվրոպացի առաջնորդները շոկի մեջ են եղել, երբ Թրամփը զանգահարել է Պուտինին

21 AUG 2025 05:35

Եվրոպացի առաջնորդները Թրամփի հետ հանդիպման ժամանակ չէին սպասում, որ ԱՄՆ նախագահը Սպիտակ տան բանակցություններից հետո կզանգի Պուտինին: Այդ մասին FOX News-ին պատմել է ԱՄՆ փոխնախագահ Ջեյ Դի Վենսը։

«Մենք գտնվում էինք Սպիտակ տան արևելյան թևում, և նախագահն ասում է. «Գիտեք, մենք բավականին լավ հանդիպում ունեցանք: Ես կզանգեմ Պուտինին, տեսնենք, թե նա ինչ կասի»:

Եվ բոլորը հարցնում են. «Օ՜, դուք նրան կզանգե՞ք հաջորդ շաբաթ»:

Իսկ նա պատասխանում է. «Ոչ, ժամը քանիսն է Մոսկվայում: Եկեք հիմա զանգենք նրան»»,- պատմել է ԱՄՆ փոխնախագահը: