Թուրքիայի խորհրդարանի խոսնակը Հայաստանի և Ադրբեջանի միջև խաղաղության հույս ունի

Թուրքիայի Ազգային մեծ ժողովի խոսնակ Նուման Քուրթուլմուշը ողջունել է Հայաստանի և Ադրբեջանի միջև մեկնարկած երկխոսությունը՝ նշելով, որ կողմերն իրենց խնդիրները լուծելու համար բանակցային ճանապարհ են ընտրել։

Նա հույս է հայտնել, որ այս գործընթացը կհանգեցնի կայուն և երկարատև խաղաղության հաստատմանը ոչ միայն Հարավային Կովկասում, այլև ողջ տարածաշրջանում։

«Ադրբեջանն ու Հայաստանը սկսել են խնդիրները լուծել բանակցությունների և քննարկումների միջոցով։ Հուսով եմ, որ երկու երկրների միջև կայուն համաձայնության ձեռքբերմամբ Կովկասում և մեր տարածաշրջանում կհաստատվի համընդհանուր խաղաղության մթնոլորտ», - ասել է Քուրթուլմուշը։