Թրամփը և «Նախագիծ 2025»-ի հեղինակը քննարկում են գերատեսչությունների կրճատումը

2 OCT 2025 13:14

ԱՄՆ նախագահ Դոնալդ Թրամփը հայտարարել է, որ հանդիպում է անցկացնում Ռաս Վոթի հետ, որը հայտնի է որպես «Նախագիծ 2025» (PROJECT 2025) նախաձեռնության առանցքային դեմքերից մեկը։ Հանդիպման նպատակն է որոշել, թե պետական կառույցներից որոնք են ենթակա կրճատման։

Իր հայտարարության մեջ Թրամփը նշել է, որ Վոթի հետ քննարկելու է, թե «բազմաթիվ դեմոկրատական գործակալություններից», որոնց մեծ մասը նա որակել է որպես «քաղաքական խաբեություն» (SCAM), որոնք են առաջարկվում կրճատել։ Քննարկման առարկա է նաև այն հարցը, թե արդյոք այդ կրճատումները կլինեն ժամանակավոր, թե մշտական։

«Չեմ կարող հավատալ, որ արմատական ձախ դեմոկրատներն ինձ այս աննախադեպ հնարավորությունը տվեցին», - հեգնանքով գրել է Թրամփը։ Նա ենթադրություն է արել, որ սա, հնարավոր է, դեմոկրատների թաքուն ցանկությունն է՝ «լուռ և արագ Ամերիկան կրկին մեծ դարձնելու»։

«Նրանք հիմար մարդիկ չեն», - հավելել է նախագահը։