Ինչո՞ւ են ՌԴ-ում կանգնեցրել «Սպայկա»-ի բեռնատարները․ փաստը հաստատել են

«Սպայկա»-ից հաստատել են, որ իրենց 100-ից ավելի բեռնատարներ արդեն մի քանի օր է Ռուսաստանում կանգնած են: Ընկերության զարգացման գծով տնօրեն Կարեն Բաղդասարյանն «Ազատությանն» ասել է, որ իրենց իրավաբաններն արդեն Ռուսաստանում են, փորձում են պատճառները հասկանալ։ Ընկերության ներկայացուցիչն ասում է՝ այս տարիների ընթացքում առաջին անգամ են բախվել այսպիսի խնդրի:

Բաղդասարյանը նշել է, որ բեռնատարներում եղած շուտ փչացող ապրանքը՝ գյուղմթերքը, ռուս իրավապահները թույլ են տվել տեղական այլ մեքենաներով հասցնել հասցեատերերին, բայց հենց «Սպայկա»-ի բեռնատարների շարժն արգելել են: