Շաքիի ջրվեժը գունավորող անձը հայտնաբերվել է

6 OCT 2025 11:50

Հայտնաբերվել է Շաքիի ջրվեժը գունավորող անձը, նա ենթարկվել է վարչական պատասխանատվության՝ բնության հատուկ պահպանվող տարածքի ռեժիմը խախտելու համար։ Այդ մասին հայտնում են Շրջակա միջավայրի նախարարությունից։

Բնապահպանության և ընդերքի տեսչական մարմնի Սյունիքի տարածքային բաժնի և ՆԳՆ ոստիկանության Սիսիանի բաժնի աշխատակիցների համատեղ ձեռնարկած օպերատիվ միջոցառումների արդյունքում պարզվել է, որ հոկտեմբերի 5-ին Սիսիան քաղաքի բնակիչ Ա.Օ.-ն Շաքիի ջրվեժի տարածքում երեխայի հետ կապված միջոցառման ընթացքում ջրվեժը գունավորելու նպատակով օգտագործել է սննդային հավելում համարվող գունանյութ։

ԲԸՏՄ-ի տարածած հաղորդագրության մեջ նշվում է, որ հարուցված վարչական վարույթի շրջանակում լաբորատոր հետազոտության նպատակով կատարվել են ջրի նմուշառումներ։ Ջրի որակի փոփոխության դեպքում կհաշվարկվի ջրային ռեսուրսներին պատճառված վնասը։