208 ԱԹՍ և 27 հրթիռ՝ մեկ գիշերում. ՌԴ-ն հարվածել է Ուկրաինային

26 JUL 2025 12:59

Հուլիսի 25-ի լույս 26-ի գիշերը Ռուսական ուժերը հրթիռներով և անօդաչուներով հարվածներ են հասցրել Դնեպրոպետրովսկի շրջանին. զոհվել է երկու մարդ, ևս հինգը վիրավորվել է:

Տեղական իշխանությունների տվյալով՝ Դնեպրում հարվածի տակ են հայտնվել բազմահարկ շենք և արդյունաբերական ձեռնարկություններ, հրդեհ է բռնկվել առևտրի կենտրոնում:

Ուկրաինայի զինված ուժերից հայտնել են, որ այս գիշեր Ուկրաինայի ուղղությամբ ընդհանուր առմամբ արձակվել է 208 անօդաչու թռչող սարք և 27 հրթիռ: Ըստ աղբյուրի՝ մեծ մասը խոցել են, սակայն դրոնների և հրթիռների մի մասը հասել է նպատակակետին: