ՌԴ ՊՆ-ն տիեզերական սարքեր է դուրս բերել ուղեծիր

«Պլեսեցկ» տիեզերակայանից, ի շահ Ռուսաստանի Դաշնության պաշտպանության նախարարության, արձակվել է «Սոյուզ-2.1Բ» կրող հրթիռը: Այդ մասին հայտնում են ՌԴ պաշտպանական գերատեսչությունից։ Հրթիռի արձակումը և տիեզերական սարքի հաշվարկված ուղեծիր դուրս բերումը կատարվել են նորմալ ռեժիմով: Հաշվարկված ժամանակում տիեզերական սարքերը «Ֆրեգատ» արագացման բլոկի միջոցով դուրս են բերվել նպատակային ուղեծիր և ընդունվել են օդատիեզերական ուժերի տիեզերական զորքերի ցամաքային կառավարման միջոցների կողմից:

Տիեզերական սարքերի հետ հաստատվել և պահպանվում է կայուն կապ, տիեզերական սարքերի բորտային համակարգերը գործում են նորմալ ռեժիմով, հայտնում են ՌԴ ՊՆ-ից: Տիեզերական սարքերին շնորհվել են «Կոսմոս-2595» և «Կոսմոս-2596» հերթական համարները: