«Փաշինյանը և Ալիևը ՇՀԿ գագաթնաժողովում․ Հայաստանի անդամակցության ռիսկերը

Նիկոլ Փաշինյանը հրավիրվել է մասնակցելու Շանհայի համագործակցության կազմակերպության գագաթնաժողովին, որը տեղի կունենա օգոստոսի 31-ից սեպտեմբերի 1-ը։ Նույն միջոցառմանը մասնակցելու է նաև Ադրբեջանի նախագահ Իլհամ Ալիևը։ ՇՀԿ-ն, որը համարվում է աշխարհի խոշորագույն տարածաշրջանային կառույցներից մեկը, ընդգրկում է Եվրասիայի զգալի մասը և աշխարհի բնակչության մոտ 40%-ը։

Հայաստանի՝ լիիրավ անդամակցության ձգտումը, ըստ փորձագետների, կարող է մեծացնել աշխարհաքաղաքական ռիսկերը՝ խարխլելով հարաբերությունները Արևմուտքի հետ և սահմանափակելով արտաքին քաղաքականության ճկունությունը։