Մեկ օրում բացահայտվել է 122 հանցագործություն․ ՆԳՆ

7 OCT 2025 12:04

Հոկտեմբերի 6-7-ը բացահայտվել է 122 հանցագործություն, որոնցից 6-ը՝ նախկինում կատարված: Այս մասին հայտնում է ՆԳՆ ոստիկանությունը։

Մասնավորապես՝

21 դեպք` տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու,

14-ական դեպք՝ ֆիզիկական ներգործության, թմրանյութի հայտնաբերման,

10 դեպք՝ անձնական ունեցվածքի գողության,

7 դեպք՝ հոգեկան ներգործության,

6 դեպք՝ խարդախության,

5 դեպք՝ սառը զենքի հայտնաբերման,

4-ական դեպք՝ աշխատանքի պաշտպանության կանոները խախտելու, փաստաթղթի կեղծիքի,

2-ական դեպք՝ խուլիգանության, թմրանյութի իրացման, ինքնիրավչության։

Բացահայտվել են նաև բնակարանային գողության, դրամանենգության, բնակարանի անձեռնմխելիությունը խախտելու, հետամտելու, սուտ մատնության, ընդերքի պահպանման կամ օգտագործման պահանջները խախտելու և այլ դեպքեր։

Նախկինում կատարված հանցագործություններից բացահայտվել է՝

2 դեպք՝ բնակարանային գողության,

1-ական դեպք՝ գույքը ոչնչացնելու կամ վնասելու, խարդախության, կողոպուտի։

Հայտնաբերվել է 2 հետախուզվող, կամավոր ներկայացել՝ 2-ը։

Հայտնաբերվել է 1 անհետ կորած։Գրանցվել է զենքի-զինամթերք ինքնակամ հանձնելու 3 դեպք։

ՃՏՊ վիճակագրությունը հետևյալն է. անցած 1 օրում գրանցվել է 18 ավտովթար․ 1 մարդ զոհվել է․ 23-ը՝ ստացել տարբեր աստիճանի մարմնական վնասվածքներ։