«Մեր ձևով»-ը պատրաստվում է ընտրություններին․ թեժ քաղաքական աշուն

«Մեր ձևով» շարժումը շնորհանդեսով ներկայացել է հանրությանը, բանախոսներն ազդարարել են, որ երկրորդ փուլով կուսակցություն կհիմնեն և կմասնակցեն ընտրություններին։ Շարժման հիմնադիր, գործարար Սամվել Կարապետյանի եղբորորդին՝ շարժման համակարգող խորհրդի ղեկավար, «Տաշիր գրուպ» ընկերությունների խմբի փոխնախագահ Նարեկ Կարապետյանը հայտարարել է, թե իրենք ունեն իրենց հայացքները:

«Եթե տեսնեինք քաղաքական դաշտում որևէ ուժ, որը կարտացոլեր մեր գաղափարները, հնարավոր է այդ ժամանակ նայեինք այդ ուժի ուղղությամբ, բայց մենք չենք տեսնում»,- ասել է նա: